Կրեմլը «Կախովսկայա» ՀԷԿ-ի փլուզման մեջ մեղադրել է Ուկրաինային՝ նշելով պատճառը

 ««Կախովսկայա» հիդրոէլեկտրակայանի ոչնչացումը Կիևի կանխամտածված դիվերսիա է»։ Այսօր այսպիսի հայտարարություն է արել ՌԴ նախագահ Վլադիմիր Պուտինի մամուլի խոսնակ Դմիտրի Պեսկովը՝ մեկնաբանելով ամբարտակի պայթյունը, գրում են միջազգային ԶԼՄ-ները։

Պեսկովի խոսքով՝ Ռուսաստանը կտրականապես հերքում է «Կախովսկայա» հիդրոէլեկտրակայանի պայթյունին առնչություն ունենալու մեղադրանքները և պնդում, որ այդ հանցագործությունը կատարել է Կիևը։ Ըստ Պեսկովի՝ «դիվերսիայի հիմնական նպատակներից մեկը Ղրիմի թերակղզին ջրից զրկելն է», քանի որ դրա մատակարարումը Հյուսիսային Ղրիմի ջրանցք սկսել է նվազել։ Բացի այդ, Պեսկովը նշել է, որ երկու օր առաջ Ուկրաինայի զինված ուժերի կողմից ռուսական դիրքերի դեմ հակահարձակման գործողությունները «խեղդող» են։ «Այնքան էլ պարզ չէ, թե ինչու ռուս զինվորականները պետք է պայթեցնեին ամբարտակը, եթե ՀԷԿ-ն արդեն գտնվում էր Ռուսաստանի վերասկողության տակ»,-ասել է Պեսկովը։

Հիշեցնենք, որ հունիսի 6-ի գիշերը պայթեցվել է Խերսոնի մարզում գտնվող «Կախովսկայա» հիդրոէլեկտրակայանի ամբարտակը։ Արդյունքում՝ ջրի մակարդակը բարձրացել է, իսկ Դնեպր գետի մոտ գտնվող բնակավայրերը ջրի տակ են անցնում։

Խերսոնի իշխանությունները շտապ տարհանում են հայտարարել։ Կրիտիկական գոտում աջ ափին մոտ 16 հազար մարդ է տարհանվել։ Ռուս զինվորականները նույնպես տարհանվել են։

«Կախովսկայա» հիդրոէլեկտրականի փլուզման հետևանքով ստեղծված իրավիճակի կապակցությամբ Ուկրաինայի նախագահ Վոլոդիմիր Զելենսկին Ազգային անվտանգության և պաշտպանության խորհրդի արտակարգ նիստ է հրավիրել։

Նշվում է, որ ՀԷԿ-ը հիմնովին ավերված է և չի կարող վերականգնվել։