Պուտինը հեռախոսազրույց է ունեցել Էրդողանի հետ

Կրեմլը հաստատել է Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի հեռախոսազրույցը, երկրների ղեկավարները մտքեր են փոխանակել Ուկրաինայում ստեղծված իրավիճակի շուրջ, հայտնում է Կրեմլի մամուլի ծառայությունը։

«Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Թուրքիայի Հանրապետության նախագահ Ռեջեփ Թայիփ Էրդողանի հետ... Ռուսաստանի և Թուրքիայի նախագահները մտքեր են փոխանակել Ուկրաինայի շուրջ ստեղծված իրավիճակի վերաբերյալ»,- ասվում է հաղորդագրությունում։

Ռուսաստանի Դաշնության նախագահը Էրդողանին ասել է, որ Կիևը, Արևմուտքի առաջարկով, վտանգավոր խաղադրույք է կատարում էսկալացիայի վրա՝ օգտագործելով ահաբեկչական մեթոդներ, կազմակերպով դիվերսիաներ Ռուսաստանում։

«Վլադիմիր Պուտինը հայտարարել է, որ Կիևի իշխանությունները, իրենց արևմտյան կուրատորների առաջարկով, նախկինի պես վտանգավոր խաղադրույք են կատարում ռազմական գործողությունների սրման վրա... Դրա վառ օրինակն է Խերսոնի շրջանի Կախովսկայա հիդրոէլեկտրակայանի ոչնչացման բարբարոսական գործողությունը, որը հանգեցրեց լայնածավալ բնապահպանական և հումանիտար աղետի»,- ասվում է նաև հաղորդագրության մեջ։