Ես երբեք այդպես չէի վարվի. Զելենսկի

Ուկրաինայի նախագահ Վոլոդիմիր Զելենսկին հայտարարել է, որ ոչինչ չգիտի Հյուսիսային հոսքի վրա հարձակումների մասին։ 

«Ես նախագահ եմ և տալիս եմ համապատասխան հրամաններ։ Ես ոչինչ չգիտեի, 100 տոկոսով հայտարարում եմ։ Ես ասել եմ. «Ցույց տվեք մեզ ապացույցները: Եթե ​​մեր զինվորականները դա արել են, ցույց տվեք մեզ ապացույցները։ Ուկրաինայի կողմից նման բան չի արվել։ Ես երբեք այդպես չէի վարվի», - ասել է Վոլոդիմիր Զելենսկին Axel Springer-ին տված հարցազրույցում:

Այսպես է նա մեկնաբանել է The Washington Post-ի հոդվածը, ըստ որի՝ Ուկրաինայի զինված ուժերը ահաբեկչություններ են նախապատրաստում Հյուսիսային հոսքի վրա:

«Հյուսիսային հոսքը պայթեցնելուց երեք ամիս առաջ Բայդենի վարչակազմը մերձավոր դաշնակցից իմացավ, որ ուկրաինացի զինվորականները ծրագրում են գաղտնի հարձակում ստորջրյա ենթակառուցվածքի վրա՝ օգտագործելով Ուկրաինայի զինված ուժերի ջրասուզակների փոքր թիմ»,- գրել է ամերիկյան հրատարակությունը։ Ըստ պարբերականի՝ գործողության մանրամասները հավաքել է եվրոպական հետախուզական ծառայությունը և 2022 թվականի հունիսին հանձնել ԿՀՎ-ին։