Նյու Յորքը գլխավորել է աշխարհի ամենաաղտոտված օդով քաղաքների ցանկը (լուսանկարներ)

Նյու Յորքը առաջին տեղն է զբաղեցրել աշխարհի ամենաաղտոտված օդով քաղաքների վարկանիշային աղյուսակում, հետեւում է IQAir միջազգային կայքի տվյալներից, որը վերահսկում է աշխարհի խոշորագույն քաղաքներում օդի որակը։

Կանադայում բռնկված հրդեհների պատճառով Նյու Յորքը շրջանցել է Բանգլադեշի մայրաքաղաք Դաքքային և Թել Ավիվին։ Ժամը 13:40-ի դրությամբ քաղաքում օդի որակի ինդեքսը կազմել է 185՝ «վնասակար»։

Կանադայի անտառային հրդեհները հանգեցրել են նրան, որ Նյու Յորքը, Վաշինգտոնը, դրանց շրջակայքը և որոշ հյուսիսարևելյան նահանգներ պատված են դեղնամոխրագույն մշուշով: Նյու Յորքում գրանցվել է օդի ամենավատ որակը 1960-ականներից ի վեր: Իսկ քաղաքապետ Էրիկ Ադամսը զգուշացրել է, որ իրավիճակը կշարունակի վատթարանալ։