Սաուդյան Արաբիայի թագաժառանգը Բայդենի խոսքերի պատճառով սպառնացել է ԱՄՆ-ին. WP

Ամերիկյան The Washington Post թերթը, վկայակոչելով աղբյուրներին, հայտնում է, որ Սաուդյան Արաբիայի թագաժառանգ արքայազն Մուհամմեդ բեն Սալմանը սպառնացել է ԱՄՆ-ին արմատապես վերանայել Ռիադի և Վաշինգտոնի հարաբերությունները։ Ըստ թերթի աղբյուրների՝ դրա պատճառն ԱՄՆ նախագահ Ջո Բայդենի հայտարարություններն էին, թե Սաուդյան Արաբիան «հետևանքների է սպասում» նավթի արդյունահանման կրճատման որոշումից հետո։

2022 թվականի հոկտեմբերին Բայդենը նախազգուշացրեց, որ Սաուդյան Արաբիան կբախվի «որոշ հետևանքների»՝ ԱՄՆ-ում միջանկյալ ընտրություններից առաջ նավթի արդյունահանումը նվազեցնելու ​​որոշման համար: Սակայն, ինչպես նշում է թերթը, ԱՄՆ-ի դեմ ոչ մի քայլ չի ձեռնարկվել։

Սպիտակ տան խոսնակը WP-ին ասել է, որ ինքը «ոչինչ չի լսել» Սաուդյան Արաբիայի կողմից Միացյալ Նահանգների հասցեին հնչող նման սպառնալիքների մասին: ԱՄՆ Ազգային անվտանգության խորհուրդը թերթին հայտնել է, որ այս պահին Վաշինգտոնն ու Էր-Ռիադը շարունակում են ակտիվ համագործակցությունը, և երկրների միջև հարաբերություններում առկա խնդիրների մասին հաղորդագրությունները հավաստի չեն։

Այս տարվա հունվարին Washington Post-ը գրել էր, որ ԱՄՆ-ն հրաժարվել է նավթի արդյունահանման անկման համար Սաուդյան Արաբիային պատժելու մտքից։ Առճակատման միակ հետևանքը ապագա համագործակցության սահմանափակումն էր։