Հարսնացուներն սկսել են զանգվածաբար հրաժարվել հարսանեկան սպիտակ զգեստներից

Հարսնացուներն սկսել են զանգվածաբար հրաժարվել հարսանեկան դասական սպիտակ զգեստներից։ Այս թրենդը գրավել է New York Post-ի ուշադրությունը:

Հրատարակության լրագրողները հայտնել են, որ ոչ ավանդական հարսանեկան զգեստի նոր թրենդը հայտնի է դարձել TikTok-ում, որտեղ համապատասխան հեշթեգը մինչ այժմ հավաքել է ավելի քան 18 միլիոն դիտում։ Նշվում է, որ հարսնացուները համացանցում հրապարակում են տեսանյութեր, որոնցում ցուցադրում են թափանցիկ զգեստներ և տոնակատարության համար նախատեսված այլ ոչ ստանդարտ հանդերձանք:

bambsworld անունով օգտատերը տեսանյութ է հրապարակել իր հարսանեկան արարողությունից, որում ներկայացել է շիֆոնից թափանցիկ կապույտ զգեստով՝ ասեղնագործված բազմաթիվ դեկորատիվ տարրերով։ Ընդ որում, հանդերձանքի թափանցիկ կտորը մասամբ ցուցադրում էր աղջկա ոտքերը, որովայնը և կուրծքը։

Իր հերթին, tarreyn անունով օգտատերը հարսանիքի համար կրել է նարդոսի գույնի տաբատ՝ մեծ չափսի բաճկոնով, համապատասխան քողով և մոխրագույն բարձրակրունկներով։

Հարսանյաց արարողությունների կազմակերպիչ Քենեդի Բինգհեմի խոսքով՝ այս երեւույթը հայտնի է դարձել ժամանակակից կանանց կարիքների շնորհիվ, ովքեր հետեւում են նորաձեւությանը եւ դասական զգեստները հնացած են համարում։ «Սա այն է, ինչ հարսնացուները վաղուց էին ցանկանում հագնել»,- եզրափակել է նա։