Ռիգայում կանցկացվի մերկ դերասաններով ներկայացում՝ մերկ հանդիսատեսի համար

Լատվիայում Ժամանակակից պարի «Ժամանակն է պարել - 2023» միջազգային փառատոնի շրջանակներում տեղի կունենա «Թույլ տվեք տեսնել բնությունը» մերկ դերասանների մասնակցությամբ ներկայացումը՝ մերկ հանդիսատեսի համար։ Eurasia Daily պորտալն ուշադրություն է հրավիրել արտասովոր ներկայացման վրա։

Բեմադրությունը կցուցադրվի Ռիգայում՝ Էդվարդ Սմիլգիսի անվան թատրոնի թանգարանում։ Համաձայն կանոնների՝ ներկայացման տոմս գնած հանդիսատեսը պետք է մերկ լինի։ «Տոմս գնելով՝ համաձայնում ես շոուն մերկ տեսնել. միջոցառմանը կարող են մասնակցել միայն մերկ հանդիսատեսները։ Ներկայացման բոլոր մասնակիցները նույնպես մերկ են լինելու։ Դա երաշխավորում է փորձի խիստ անձնականությունը», - զգուշացրել են կազմակերպիչները, ովքեր նաև խնդրել են նստել հիգիենայի նպատակով իրենց հետ բերված սրբիչների վրա։

Ներկայացմանը կխաղան հունգարացի արտիստներ Մարտա Լաձյանսկին և Զոլց Վարգան։

Ժամանակակից պարի փառատոնը տեղի կունենա Ռիգայում հունիսի 12-ից 17-ը։ «Ժամանակն է պարել - 2023»–ը, հստակեցնում են կազմակերպիչները, կկենտրոնանա Կովկասի, մասնավորապես՝ Վրաստանի, Հայաստանի և Ադրբեջանի ժողովրդական պարերի վրա։