Թուրքիայի հետախուզության նորանշանակ ղեկավարը գաղտնի աշխատել է «Ալ Քաիդայի» նախկին ֆինանսիստի հետ. Nordic Monitor

Համաշխարհային Մամուլ 12 Հունիս, 2023 19:56

Թուրքիայի հետախուզության նորանշանակ ղեկավար Իբրահիմ Կալընը գաղտնի հանդիպել է Թուրքիայի նախագահ Ռեջեփ Թայիփ Էրդողանի մտերիմ ընկեր Յասին ալ-Քադիի հետ, ով ինչպես ՄԱԿ-ի Անվտանգության խորհրդի պատժամիջոցների կոմիտեի, այնպես էլ ԱՄՆ գանձապետարանի կողմից երկար տարիներ համարվել է եղել որպես Ալ-Քաիդայի ֆինանսիստ:

Nordic Monitor-ի կողմից ձեռք բերված գաղտնի փաստաթղթերի համաձայն՝ նրանք ոչ միայն մի քանի գաղտնի հանդիպումներ են ունեցել Թուրքիայում, այլև որպես կասկածյալներ են ճանաչվել նույն քրեական հետաքննության մեջ, որն իրականացվել է 2012-2013 թվականներին Ստամբուլի գլխավոր դատախազության հսկողության ներքո: Գործի նյութերում, որը ներառում էր տեսանկարահանող սարքերի տեսագրություններ, գաղտնալսումներ, բանկային գործարքներ և կաշառքների ու ատկատների մասին գրառումներ, Ալ-Քադին № 1 կասկածյալն է եղել, իսկ Քալընը՝ № 47–ը:

Գործի նյութերում հստակորեն նշվում է, որ Քալընը սերտ կապեր է ունեցել Եգիպտոսի քաղաքացի Ուսամա Քութբ անունով անձի հետ, ով Թուրքիայում ալ-Քադիի վստահելի անձն է եղել, ինչպես նաև նույն քրեական գործով կասկածյալ։ Օրինակ, 2013 թվականի հունիսի 19-ին թվագրված գաղտնալսման ժամանակ Քութբը զանգահարել է Կալընին, որպեսզի եռակողմ հանդիպում կազմակերպի իր և իր ղեկավար Ալ-Քադիի համար: Հանդիպումը, ըստ երևույթին, նախապատրաստում է եղել Ալ-Քադիի հանդիպմանը այն ժամանակ Թուրքիայի վարչապետ և ներկայիս նախագահ Էրդողանի ու այլ բարձրաստիճան պաշտոնյաների հետ:

Այս բոլոր հանդիպումները կազմակերպվել են գաղտնի, և Էրդողանի մարդիկ մեծ ջանքեր են գործադրել՝ հանրությունից թաքցնելու Ստամբուլում և Անկարայում Ալ-Քադիի գործողությունները։ Ալ-Քադին ԱՄՆ-ի գանձապետարանի կողմից ճանաչվել է Ալ-Քաիդային ֆինանսավորող, իսկ ՄԱԿ-ի Ալ-Քաիդայի պատժամիջոցների կոմիտեն նրան ներառել է ահաբեկիչների ցուցակում՝ Անվտանգության խորհրդի բանաձեւերի համաձայն: Թուրքիայի կառավարությունը նաև պաշտոնական շրջաբերական է հրապարակել՝ նրան ահաբեկիչ պիտակավորելով՝ արգելելով մուտքը Թուրքիա։

Այնուամենայնիվ, նա գաղտնի ուղևորություններ է կատարել Թուրքիա, այդ թվում՝ Էրդողանի պաշտոնական ինքնաթիռով 2011 թվականին, երբ նա դեռ պատժամիջոցների տակ էր, որին հաջորդել են ավելի շատ ուղևորություններ, հանդիպումներ Էրդողանի, այն ժամանակվա Ազգային հետախուզության փոխնախարար Ֆիդանի և այլոց հետ: