Միջուկային զենք կկիրառենք. Լուկաշենկո
Համաշխարհային Մամուլ
Բելառուսի դեմ ագրեսիա լինելու դեպքում միջուկային զենքի կիրառման հարցում երկմտանք չի լինի։ Այս մասին հայտարարել է Բելառուսի ղեկավար Ալեքսանդր Լուկաշենկոն՝ պատասխանելով լրագրողների հարցերին Մինսկի տարածաշրջան կատարած աշխատանքային այցի ժամանակ, հայտնում է BelTA-ն։
Խոսելով Բելառուսում ռուսական մարտավարական միջուկային զենքի տեղակայման պատճառների մասին՝ Լուկաշենկոն ասել է. «Ինչո՞ւ է դա անհրաժեշտ, որպեսզի որոշ սրիկաներ այլևս ոտք չդնեն բելառուսական հողի վրա»։
Իսկ նման զինատեսակների կիրառման պատճառը, ըստ նրա, կարող է լինել միայն մեկը՝ ագրեսիան Բելառուսի դեմ։ «Եվ պատասխանը կլինի անմիջապես, ես դա արդեն մի քանի անգամ նախօրոք ասել եմ»,- հավելել է Բելառուսի ղեկավարը։
Ընդգծելով Բելառուսում տեղակայվելիք միջուկային զենքի զգալի հզորությունը՝ Լուկաշենկոն ասել է. «Կարծում եմ, որ հազիվ թե որևէ մեկը ցանկանա կռվել այնպիսի երկրի դեմ, որն ունի նման զենք։ Սրանք զսպման զենքեր են։
Այնուամենայնիվ, իրավիճակներից, որտեղ այն պետք է կիրառվեր, իհարկե, կուզենայի խուսափել։ Աստված մի արասցե, որ ես ստիպված լինեմ որոշում կայացնել մեր օրերում այդ զենքի կիրառման վերաբերյալ, բայց ոչ մի տատանում չի լինի, եթե ագրեսիա լինի մեր դեմ»,- ընդգծել է Ալեքսանդր Լուկաշենկոն։
ՈՒՂԻՂ ԵԹԵՐ
Ամենադիտված 
Պարզվել է Աջափնյակում զինված միջադեպի հետևանքով մահացածի և 7 վիրավորների ինքնությունը 
