Ատոմ Ջանջուղազյանի «կսմիթը» Սասուն Խաչատրյանին

ԱԺ-ում պատասխանելով ընդդիմադիր պատգամավորների հարցերից մեկին՝ Հաշվեքննիչ պալատի նախագահ Ատոմ Ջանջուղազյանը հայտարարել է, որ իրենք չունեն իրավական լծակներ՝ հետևելու և վերահսկելու իրականացված աուդիտի ճակատագիրը, երբ պոտենցիալ խախտումներով սկսում են զբաղվել այլ պատկան մարմինները։

Հասկանալի է, որ այլ կառույցը առաջին հերթին Սասուն Խաչատրյանի գլխավորած Հակակոռուպցիոն կոմիտեն է, որն էլ պետք է ընթացք տար և քններ Հաշվեքննիչ պալատի կողմից վերհանված խախտումները: Ջանջուղազյանը փաստացի հայտարարում է, որ հարցը, թե ինչու այդ բացահայտումները որևէ գործնական և ռեալ արդյունք չեն ունենում՝ պետք է տալ ոչ թե իրեն, այլ հենց Խաչատրյանին: Սա թեև քողարկված, սակայն բավական ուշագրավ կսմիթ է պարապուրդի մատնված Խաչատրյանին, ով մինչ այս պահը անգամ հարցաքննության չի հրավիրել Հաշվեքննիչ պալատի կողմից հայտնաբերած մի շարք խախտումների գլխավոր դերակատաներին՝ առողջապահության նախկին և ներկա նախարարներին, էկոնոմիկայի նախարարին և այլն....