ԱՄՆ Կոնգրեսում ԼՂ բնակչության պաշտպանության հարցով լսումներ տեղի կունենան
Արցախ
ԱՄՆ Կոնգրեսի Թոմ Լանթոսի անվան մարդու իրավունքների հանձնաժողովից հայտնել են, որ հունիսի 21-ին հանձնաժողովում տեղի կունենան Լեռնային Ղարաբաղի բնակչության պաշտպանության հարցով լսումներ, հաղորդում է «Լուրեր»–ը։
Հայտարարության մեջ նշվում է, որ տարածաշրջանում բռնության վերսկսման ռիսկերը մեծանում են:
«Ադրբեջանի կառավարության աջակցությունը վայելող ակտիվիստների կողմից Լեռնային Ղարաբաղ տանող Լաչինի միջանցքի շրջափակումը շարունակվում է արդեն 7-րդ ամիսը, իսկ ապրիլի 23-ին Ադրբեջանը միջանցքում բացել է ռազմական անցակետ, որը, շատերի կարծիքով, հակասում է 2020 թվականի հրադադարի համաձայնագրի դրույթներին: Միջազգային ջանքեր են գործադրվում նոր լայնամասշտաբ պատերազմի ռիսկը նվազեցնելու համար, այդ թվում՝ ԱՄՆ պետքարտուղարության պաշտոնյաների կողմից: Հիմնական հարցերից մեկն այն է, թե ինչ է պահանջվում Լեռնային Ղարաբաղում էթնիկ հայերի իրավունքների և անվտանգության համարժեք պաշտպանության համար, որտեղ Ադրբեջանը ձգտում է վերահսկողություն հաստատել»,- նշված է հայտարարության մեջ:
Հանձնաժողովում հավելել են, որ լսումների ընթացքում կքննարկվեն Արցախի խոցելի էթնիկ բնակչությանը պատշաճ կերպով պաշտպանելու համար անհրաժեշտ միջոցները և առաջարկներ կներկայացվեն ԱՄՆ քաղաքականության վերաբերյալ:
Ամենադիտված 
Մնաս բարյավ. Րաֆֆի Հովհաննիսյան
