ՆԱՏՕ-ի գլխավոր քարտուղարն առաջարկել է Ուկրաինային դաշինք ընդունել․ Politico

ՆԱՏՕ-ի գլխավոր քարտուղար Յենս Ստոլտենբերգն առաջարկել է համաձայնության գալ Ուկրաինայի՝ Հյուսիսատլանտյան դաշինքին միանալու հնարավորության շուրջ՝ առանց անդամակցության գործողությունների ծրագրի կատարման։ Այս մասին հայտնում է Politico-ն։

Ինչպես նշվում է հաղորդագրության մեջ, Ստոլտենբերգը «դաշնակիցներին առաջարկել է, որ նրանք համաձայնեն, որ պատերազմից հետո Ուկրաինան կարող է անդամակցել ՆԱՏՕ-ին՝ առանց անդամակցության գործողությունների ծրագրի իրականացման, որը ռազմական և ժողովրդավարական բարեփոխումների շարք է, որը դիմող երկիրը պետք է ձեռնարկի նախքան միանալը»։

Հունիսի 16-ին գլխավոր քարտուղարը հայտարարել էր, որ դաշինքի առաջնորդները հուլիսին Վիլնյուսում կայանալիք գագաթնաժողովում չեն պատրաստվում Ուկրաինային հրավիրել դաշինք։