Քըլըչդարօղլուին սպառնում է 110 տարվա ազատազրկում․ ԶԼՄ

Թուրքիայի գլխավոր ընդդիմադիր Ժողովրդահանրապետական ​​կուսակցության առաջնորդ և նախագահի նախկին թեկնածու Քեմալ Քըլըչդարօղլուին սպառնում է բանտարկություն և քաղաքականությամբ զբաղվելու արգելք՝ իր դեմ ներկայացված 28 դատական ​​գործերով, գրում է Cumhuriyet թերթը։

«Նախկինում մի շարք դատական ​​գործեր կասեցվել էին Քըլըչդարօղլուի անձեռնմխելիության առկայության պատճառով, այժմ դրանք կվերանայվեն»,- ասվում է հրապարակման մեջ։

Քաղաքական գործչի փաստաբան Ջելալ Չելիքի խոսքով՝ իր պաշտպանյալի դեմ 28 հայց է ներկայացվել, այլ ոչ թե 18, ինչպես հաղորդում է Anadolu գործակալությունը։

Հոդվածում պարզաբանվում է, որ դրանց մեծ մասում հայցվորը Ռեջեփ Թայիփ Էրդողանն է։ Այսպիսով, 2021 թվականին նա դատական ​​հայց է ներկայացրել Քըլըչդարօղլուի դեմ այն ​​բանից հետո, երբ նա մեղադրել էր թուրք առաջնորդին ստելու մեջ։ 2017 թվականին ընդդիմության առաջնորդը գործող նախագահին համեմատել էր Սադամ Հուսեյնի, Մուամար Քադաֆիի և Չաուշեսկուի հետ։