Դոնի Ռոստովի բնակիչները շտապում են լքել քաղաքը. բացառիկ կադրեր. Armlur

Ռուսաստանում կեսգիշերից անվտանգային աննախադեպ միջոցներ են ձեռնարկվել, Մոսկվայում հատուկ հսկողության տակ են առնվել կառավարական կառույցներն ու ճանապարհները, գրում է Armlur-ը:

Անվտանգության դաշնային ծառայությունը քրեական գործ է հարուցել «Վագներ» մասնավոր ռազմական խմբավորման ղեկավար Եվգենի Պրիգոժինի դեմ`ռազմական հեղաշրջման կոչ հնչեցնելու համար: Իրավիճակը լարված է հատկապես Դոնի Ռոստովում, այնտեղ խափանվել է քաղաքացիական եւ զինվորական մարմինների աշխատանքը:

Հաղորդվում է, որ քաղաքից դուրս եկող ճանապարհները փակ են, մասնավորապես՝ Դոնի Ռոստովից դեպի երկրի այլ նահանգներ գնացող ճանապարհներին ռազմական մեծաքանակ տեխնիկա է կուտակված:
Այնտեղ ստեղծված պայթյունավտանգ իրավիճակն ամեն պահի կարող է նոր անկանխատեսելի իրադարձությունների սկիզբ դառնալ: