Բայդենին զեկուցել են Ռուսաստանում տիրող իրավիճակի մասին․ CNN

ԱՄՆ նախագահ Ջո Բայդենը շաբաթ օրը՝ հունիսի 24-ին, տեղեկացվել է Ռուսաստանի Դաշնությունում տիրող իրավիճակի մասին։ Այս մասին հայտնում է CNN-ը՝ վկայակոչելով Սպիտակ տան ներկայացուցչին։

Նրա խոսքով՝ շաբաթ առավոտյան Բայդենին զեկուցել են Ռուսաստանում զինված ապստամբության ֆոնին ստեղծված իրավիճակի մասին։

Հեռուստաընկերությունն ընդգծում է նաեւ, որ ուրբաթ՝ հունիսի 23-ի երեկոյան, ԱՄՆ նախագահի աշխատակազմի պաշտոնյաները մի շարք արտակարգ հանդիպումներ են անցկացրել՝ կապված Ռուսաստանում ստեղծված իրավիճակի հետ։

Հրատարակությունը նշում է, որ հանդիպումներն անցկացվել են իրադարձությունների վերլուծության համար, «որոնք այնքան արագ են զարգացել, որ անակնկալի են բերել ամերիկացի և եվրոպացի պաշտոնյաներին»։

Ընդգծվում է, որ ԱՄՆ-ի և արևմտյան այլ երկրների ներկայացուցիչները ներկայումս զգուշություն են ցուցաբերում, որպեսզի գնահատական ​​չտան Ռուսաստանում տեղի ունեցող իրադարձություններին, հակառակ դեպքում նրանց հայտարարությունները կարող են մեկնաբանվել որպես միջամտություն։

Ավելի վաղ հայտնի էր դարձել, որ Բելառուսի նախագահ Ալեքսանդր Լուկաշենկոյի հետ բանակցություններից հետո Պրիգոժինը համաձայնել է դադարեցնել «Վագներ»-ի անձնակազմի տեղաշարժը ՌԴ տարածքով։