«Վե՛րջ, սա մահ է, տղերք, ցտեսություն, փա՛ռք Ուկրաինային». Բերդյանսկում սպանել են երկու ուկրաինացի դեռահասների

Բերդյանսկում Ռուսաստանի անվտանգության ուժերը սպանել են տեղացի երկու դեռահասների, որոնք նախկինում կալանավորվել էին հակառուսական գործունեության համար։

Երկու դեռահասների սպանության մասին առաջին հաղորդագրությունը հայտնվել է իշխանությունների աշխատակից Վլադիմիր Ռոգովի ալիքում։

«Մոտավորապես ժամը 19-ին, երբ բնակչությունն ընտանիքների հետ հանգստանում էր քաղաքի առափնյա հատվածում, երկու գրոհայիններ կրակ էին բացել ինքնաձիգներից։ Իրավապահ մարմինների համակարգված և օպերատիվ գործողությունների արդյունքում ահաբեկիչները արգելափակվել և ոչնչացվել են։ Այս պահին հայտնի է, որ նրանցից մեկը՝ Տիգրան Հովհաննիսյանը, նախկինում կալանավորվել է հակառուսական գործունեության համար»,- գրել է Ռոգովը։

Այնուհետ ցանցում հրապարակվել է սպանությունից մի քանի վայրկյան առաջ Տիգրանի պատրաստած տեսանյութը. դրանում նա ցույց է տալիս իրեն, զենքը ու ասում.

«Երկուսը հաստատ։ Վերջ, սա մահ է, տղերք, ցտեսություն։ Փառք Ուկրաինային»։ Այստեղ կտրվում է ձայնագրությունը: «Երկուսը հաստատ» արտահայտությունը, ամենայն հավանականությամբ, վերաբերում է ՌԴ անվտանգության երկու պաշտոնյաների սպանությանը։

Ավելի ուշ Տիգրանն ազատ է արձակվել։ Իսկ 2023 թվականի մայիսի 24-ին ՌԴ Քննչական կոմիտեն Տիգրան Օգանիսյանին և Նիկիտա Խանգանովին մեղադրել է անցյալ տարվա սեպտեմբերին «Ուկրաինայի Զինված ուժերին աջակցելու նպատակով դավադրություն կազմակերպելու և երկաթուղային գծերը վնասելու» մեջ։

2023 թվականի հունիսի 15-ին Եվրախորհրդարանը Ռուսաստանի իշխանություններից պահանջեց հանել բոլոր մեղադրանքները և անհապաղ ազատ արձակել Օգանիսյանին և Խանգանովին։