Կնքվել է փոխհամագործակցության պայմանագիր
Գիտություն և Մշակույթ
Ս. թ. դեկտեմբերի 8–ին ՀՀ մշակույթի նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի և ՌԴ մշակույթի նախարարության «Դ. Ս. Լիխաչովի անվան մշակութային և բնական ժառանգության ռուսաստանյան ինստիտուտ» Դաշնային պետական բյուջետային գիտահետազոտական հիմնարկության միջև կնքվել է համագործակցության պայմանագիր` 5 տարի ժամկետով: Սույն պայմանագրի համաձայն կողմերը մշակութային և բնական ժառանգության պահպանման, ուսումնասիրման, հանրահռչակման և հետագա սերունդներին այն անխաթար ավանդելու նպատակով կիրականացնեն համատեղ նախագծեր, գիտարշավային և դաշտային հետազոտություններ, գրանտային ծրագրեր, կրթական դասընթացներ: Փորձի փոխանակման և աշխատակիցների մասնագիտական որակավորման բարձրացման նպատակով կստեղծվեն ստեղծագործական խմբեր, կանցկացվեն գիտական կոնֆերանսներ, երկուստեք հանդես կգան համատեղ հրատարակչական նախագծերով: Համաձայն պայմանագրի` գործընկեր կողմերն իրականացած աշխատանքներն ամենամյա հաշվետվությունների ձևաչափով` հերթափոխով կներկայացնեն Հայաստանում և Ռուսաստանում: 2012 թ. կողմերից յուրաքանչյուրը պարտավորվում է տեղեկատվություն ապահովել իր տարածքում գտնվող գործընկեր երկրի մշակութային ժառանգության օբյեկտների վերաբերյալ:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
