Առանց պատերազմի կյանքն ամենօրյա քրտնաջան աշխատանքի արդյունք է. Լուկաշենկո

Կյանքն առանց պատերազմի ամենօրյա աշխատանքի արդյունք է, որը միշտ չէ, որ տեսանելի է, բայց ահռելի ջանքեր է պահանջում։ Այս մասին հայտարարել է Բելառուսի նախագահ Ալեքսանդր Լուկաշենկոն՝ բարձրաստիճան սպաներին ուսադիրներ հանձնելու արարողության ժամանակ, հայտնում է BelTA-ն։

«Ժամանակակից բելառուսները բախտ են ունեցել ծնվել և ապրել պարզ երկնքի տակ: Բայց մենք՝ որպես զինվորականներ, քաջ գիտակցում ենք, որ առանց պատերազմի կյանքը ամենօրյա քրտնաջան աշխատանքի արդյունք է։ Դա միշտ չէ, որ տեսանելի է, բայց վիթխարի ջանքեր է պահանջում՝ երբեմն վտանգելով կյանքը։ Դուք գրագետ մարդիկ եք, գրեթե բոլորը նստած են մեսենջերներում, կարդում են իմ հասցեին զանազան նախատինքներ, որ ես պատրաստվում եմ պատերազմի, գրեթե 30 տարի ես ձեզ հետ ամեն օր պատրաստվում և պատրաստվում եմ պատերազմի, երևի դրա համար ենք այսօր ապրում խաղաղ երկնքի տակ»,- ընդգծել է Ալեքսանդր Լուկաշենկոն:

«Նոր գլոբալ հակամարտության վտանգը երբեք այնքան մոտ չի եղել, որքան այսօր»,-ասել է Լուկաշենկոն։