Ամենապասիվ ՔՊ-ական պատգամավորների 10-յակը

Իշխող «Քաղաքացիական պայմանագիր» կուսակցության պառլամենտական խմբակցությունում մշտապես ակտիվ և աչքի ընկնող պատգամավորների կողքին կան նաև այնպիսինները, որոնց մասին հանրությունը կարելի է ասել մոռացել է, քանի որ վերջիններս իրենց մասին հիշելու և խոսելու բավական քիչ առիթ են տալիս իրենց իսկ պասիվությամբ: Արտահերթ խորհրդարանական ընտրություններից անցել է մեկ տարի, վերլուծենք, թե ինչ ակտիվություն են դրսևորել այս ընթացքում ժողովրդի քվեով ԱԺ-ում հանգրվանած պատգամավորները:

Դիցուք՝ ՔՊ-ական պատգամավոր Մերի Գալստյանը բացակայել է 107 անգամ, ունեցել ընդամենը 1 ելույթ, տվել 0 հարց, հեղինակել 0 նախաձեռնություն: 

Մաթևոս Ասատրյանը բացակայել է 27 անգամ, տվել 0 հարց և ունեցել 0 ելույթ:

Հակոբ Ասլանյանը չի բացայակել, սակայն ունեցել է ընդամենը 0 ելույթ և տվել 1 հարց։

Նարեկ Գրիգորյանը բացակայել է 57 անգամ, տվել է 1 հարց և ունեցել 0 ելույթ։

Հռիփսիմե Գրիգորյանը բացակայել է 47 անգամ, տվել 2 հարց և ունեցել 1 ելույթ։

Դավիթ Դանիելյանը բացակայել է 80 անգամ, տվել 0 հարց և ունեցել 1 ելույթ։

Նարեկ Զեյնալյանը բացակայել է 0 անգամ, տվել 0 հարց և ունեցել 0 ելույթ։

Միքայել Թումասյանը բացակայել է 25 անգամ , տվել 0 հարց և ունեցել 0 ելույթ։

Կարեն Համբարձումյանը բացակայել է 37 անգամ, տվել 0 հարց և ունեցել  0 ելույթ։

Վահե Ղալումյանը բացակայել է 19 անգամ, տվել 0 հարց և ունեցել 0 ելույթ։

ԱԺ-ում պասիվ պատգամավորների պակաս գրեթե չկա, նրանցից շատերը, քաղաքացիների հարկերի հաշվին ստանալով աշխատավարձ, ոչինչ չեն անում՝ հով ու զով նստելով իրենց պատգամավորական աթոռներին: Մինչդեռ հեղափոխության օրերին և այնուհետև՝ երկու արտահերթ ընտրություններին ընդառաջ Նիկոլ Փաշինյանն ու թիմը խոստանում էին աչքի ընկնել իրենց աննախադեպ ակտիվ աշխատանքով՝ հանուն հպարտ քաղաքացիների բարեկեցության...