Սանկտ Պետերբուրգի նավահանգստում բանանի մեջ 50 կգ կոկաին է հայտնաբերել

Սանկտ Պետերբուրգի նավահանգստի մաքսավորները Գավանի մաքսակետ հասած տասը սառնարանային բեռնատարներից մեկում բանանի մեջ հայտնաբերել են 50 կգ կոկաին։ Սև շուկայում դրա գնահատված արժեքը գերազանցում է 450 միլիոն ռուբլին, հայտնում է Դաշնային մաքսային ծառայությունը։

Փաստաթղթերի համաձայն՝ բեռները աֆրիկյան մայրցամաքի երկրներից տարանցում են կատարել Եվրոպայով Ուզբեկստան՝ տարբեր ծովային նավերով։ Թմրանյութը հայտնաբերել են մաքսավորները՝ տեսչական համալիրի օգնությամբ տարան սկանավորելիս։ Տեսուչը սառնարանային բլոկի թաքնված խոռոչում մոնիտորի վրա տեսել է օտար առարկաներ:

Ստուգման արդյունքում՝ սառնարանի կաղապարի տակից հանվել է սպիտակ փոշու՝ թաղանթով փաթեթավորված 50 բրիկետ։ Փորձագետի եզրակացության համաձայն՝ առգրավված նյութը թմրանյութ համարվող կոկաինն է։