Կրեմլն արձագանքել է Բայդենի՝ «Պուտինը պարտվում է Իրաքում» արտահայտությանը
Համաշխարհային Մամուլ
ՌԴ նախագահի մամուլի խոսնակ Դմիտրի Պեսկովն ասել է, որ Ռուսաստանի Դաշնությունը շահագրգռված է, որ ԱՄՆ-ի քաղաքականությունը կանխատեսելի լինի, և այս երկրի քաղաքական գործիչները կարողանան օբյեկտիվ պատկեր ներկայացնել։
Այս մասին Պեսկովն ասել է ճեպազրույցի ժամանակ՝ մեկնաբանելով նախագահ Ջո Բայդենի առողջական վիճակի մասին տեղեկությունները այն ֆոնին, թե ինչպես է նա շփոթել Իրաքն ու Ուկրաինան։
Ավելի վաղ, ինչպես հայտնել ենք, ԱՄՆ նախագահ Ջո Բայդենը լրագրողների հետ զրուցել էր Սպիտակ տան սիզամարգում՝ Չիկագո թռչելուց առաջ: Նա ասել է, որ Ռուսաստանում ապստամբության փորձը թուլացրել է նախագահ Վլադիմիր Պուտինի դիրքերը։ Այնուհետև ամերիկացի առաջնորդին հարցրել են, թե այս իրադարձությունները որքանո՞վ են թուլացրել իր գործընկերոջը։ Բայդենը պատասխանել է, որ դժվար է ասել, բայց պարզ է, որ Պուտինը «պարտվում է Իրաքի պատերազմում»։
«Մենք շատ ուշադիր հետևում ենք իրավիճակին և, իհարկե, հուսով ենք, որ պարոն նախագահը [ԱՄՆ] երեկվա իր հայտարարության մեջ նկատի ուներ Ուկրաինան», - ասել է Կրեմլի խոսնակը։
Պատասխանելով Բայդենի առողջական վիճակի մասին հարցին՝ Պեսկովն ընդգծել է, որ հնարավոր չի համարում դա մեկնաբանել։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
