ՀՀ-ի և Ֆրանսիայի նախարարները քննարկել են ԼՂ մշակութային ժառանգության պահպանության հարցը

ՀՀ ԿԳՄՍ նախարար Ժաննա Անդրեասյանը Ֆրանսիայի մշակույթի նախարարի հետ մի շարք  հարցեր է քննարկել։

Նա մանրամասներ է ներկայացրել ֆեյսբուքյան էջում․

«Ֆրանսիայի մշակույթի նախարար Ռիմա Աբդուլ-Մալաքի հետ քննարկեցինք մեծ օրակարգ․ մշակութային ժառանգության պահպանություն՝ Լեռնային Ղարաբաղի մշակութային ժառանգության շեշտադրմամբ, Լուվրում նախապատրաստվող ուրարտական ցուցահանդես, առաջիկայում Ֆրանսիայում Մարտիրոս Սարյանի և Մինաս Ավետիսյանի ստեղծագործությունների ցուցադրություններ, համատեղ կինոարտադրություն, օպերային թատրոնի հյուրախաղեր, Ազնավուրի հարյուրամյակի միջոցառումներ, երկու երկրների արվեստի գործիչների միջև փոխանակման ակտիվացում՝ հատկապես ընդգրկելով երիտասարդներին։ Աշնանը նախարարը կայցելի Հայաստան»։