Աշխարհի ամենահարուստ մարդիկ իրենց կարողությունն ավելացրել են 852 միլիարդ դոլարով

2023 թվականի առաջին կիսամյակում աշխարհի 500 ամենահարուստ մարդիկ, ըստ Bloomberg-ի, իրենց ընդհանուր կարողությունն ավելացրել են 852 միլիարդ դոլարով։ Այսպիսով, միջին հաշվով այս ցուցակից յուրաքանչյուրը վեց ամսվա ընթացքում ամեն օր հարստացել է մոտ 14 միլիոն դոլարով, հաշվարկել է հրատարակությունը։

Սա լավագույն արդյունքն է լավագույն 500-ի համար 2020 թվականի երկրորդ կեսից ի վեր, երբ համաշխարհային տնտեսությունն սկսեց վերականգնվել առաջին կիսամյակում COVID-19 համաճարակի հետ կապված ճգնաժամից հետո։

Իլոն Մասկը վերադարձրել է մոլորակի ամենահարուստ մարդու կարգավիճակը․ նրա կարողությունն աճել է 96,6 միլիարդ դոլարով՝ հասնելով 234 միլիարդի։ Հաջորդը գալիս է ֆրանսիական շքեղ ապրանքներ արտադրող LVMH (LVMH Moet Hennessy - Louis Vuitton) սեփականատեր Բեռնար Առնոն՝ $200 մլրդ (գումարած $38,2 մլրդ) արդյունքով։

Կիսամյակի գլխավոր անհաջողակը Կարլ Այքանն ր, որի կարողությունը կրճատվել է 57 տոկոսով (13,4 մլրդ դոլար)։ Սակայն բացարձակ թվերով հակառեկորդը պատկանում է հնդիկ գործարար Գուատամ Ադանին, ով կորցրել է 60,2 մլրդ դոլար՝ խարդախության և բաժնետոմսերի մանիպուլյացիայի մեղադրանքներից հետո։