Աֆղանստանում արգելվել է գեղեցկության սրահների գործունեությունը
Համաշխարհային Մամուլ
«Թալիբանը» Աֆղանստանում արգելել է կանանց գեղեցկության սրահների աշխատանքը։ Այս մասին ասվում է Քաբուլի քաղաքապետարանին ուղղված նամակում, հայտնում է Khaama Press գործակալությունը։
Նշվում է, որ նախկինում տրված լիցենզիաները կհամարվեն անվավեր։ Բացի այդ, Աֆղանստանում կանանց արգելվում է այցելել մարզասրահներ, զբոսայգիներ և լոգարաններ:
Ինչպես հայտնել են որոշ հաստատությունների տերեր, գեղեցկության սրահներում կանանց աշխատանքը մնում է իրենց ընտանիքները ապահովելու միակ միջոցը։
Գործակալության զրուցակիցներից մեկը Աֆղանստանի իշխանություններին կոչ է արել աշխատատեղեր ստեղծել տղամարդկանց համար, որպեսզի կանայք ստիպված չլինեն աշխատել։
2022 թվականի մարտին թալիբներն արգելեցին միջին և ավագ դպրոցի աղջիկներին հաճախել դասերի, իսկ 2022 թվականի դեկտեմբերին արգելքը տարածվեց տարրական դպրոցներում։
Անցյալ տարեվերջին Աֆղանստանում կանանց արգելվեց հաճախել համալսարան և՛ կրթություն ստանալու, և՛ որպես դասախոս աշխատելու համար: 2022 թվականի օգոստոսի 13-ին Քաբուլում թալիբները կրակ են բացեցին կրթության իրավունքի համար կանանց ցույցը ճնշելու նպատակով։
Ամենադիտված 
Մնաս բարյավ. Րաֆֆի Հովհաննիսյան
