Բայդենը ցանկանում է ՆԱՏՕ-ի գլխավոր քարտուղարի պաշտոնում տեսնել Ուրսուլա Ֆոն դեր Լայենին․ The Telegraph

Ջո Բայդենը ցանկանում է, որ Եվրահանձնաժողովի նախագահ Ուրսուլա Ֆոն դեր Լայենը դառնա ՆԱՏՕ-ի հաջորդ գլխավոր քարտուղարը, գրում է The Telegraph-ը՝ հղում անելով դաշինքի աղբյուրներին։ Քաղաքական գործիչները վերջին տարիներին ամուր կապեր են հաստատել, հատկապես Չինաստանի, Ուկրաինայի և կլիմայի վերաբերյալ, և Սպիտակ տունը վախենում է, որ ավելի հարմար թեկնածու չի հայտնվի:

Եվրահանձնաժողովի նախագահն այժմ ավելի շատ վստահում է ամերիկյան, այլ ոչ թե եվրոպական հետախուզության տվյալներին, որոնք սխալ տեղեկություն են տրամադրել Ուկրաինայում հակամարտության վերաբերյալ, գրում է թերթը։ Ըստ հրապարակման՝ ինքը՝ ֆոն դեր Լեյենը, Բայդենին ասել է, որ չի կարողանա զբաղեցնել ՆԱՏՕ-ի ղեկավարի պաշտոնը առնվազն մինչև 2024 թվականը։

Սակայն The National հրատարակությունը պնդում է, որ դաշինքը գլխավորելու մասին պայմանավորվածություն արդեն ձեռք է բերվել։ Հրատարակության աղբյուրների փոխանցմամբ՝ դրա համար Յենս Ստոլտենբերգի լիազորությունները երկարաձգվել են մինչև հաջորդ տարվա աշուն, որպեսզի  Ֆոն դեր Լայենը կարողանա ավարտել Եվրահանձնաժողովի նախագահի հնգամյա ժամկետը։