Բայդենն ու Էրդողանը Վիլնյուսում քննարկում են ունեցել
Համաշխարհային Մամուլ
ԱՄՆ նախագահ Ջո Բայդենը և նրա թուրք գործընկեր Ռեջեփ Թայիփ Էրդողանը երեքշաբթի օրը հանդիպել են Վիլնյուսում ՆԱՏՕ-ի գագաթնաժողովի շրջանակներում՝ քննարկելու Ուկրաինային աջակցությունը, երկկողմ համագործակցության ամրապնդումը, ինչպես նաև Անկարայի համաձայնությունը Շվեդիայի՝ Հյուսիսատլանտյան դաշինքին միանալու վերաբերյալ: Այս մասին ասվում է Սպիտակ տան մամուլի ծառայության տարածած հայտարարության մեջ։«Նախագահ Բայդենը շնորհավորել է նախագահ Էրդողանին Շվեդիայի վարչապետ Ուլֆ Քրիսթերսոնի և ՆԱՏՕ-ի գլխավոր քարտուղար Յենս Ստոլտենբերգի հետ համաձայնության գալու կապակցությամբ՝ խորհրդարանին վավերացման ներկայացնելու ՆԱՏՕ-ին Շվեդիայի անդամակցության արձանագրությունը»,- ասվում է փաստաթղթում։
«Նախագահները քննարկել են ջանքերը ամրապնդել երկկողմ համագործակցությունը, ողջունել ռազմավարական մեխանիզմի շրջանակներում խորհրդակցությունների վերջին փուլը և կարծիքներ փոխանակել պաշտպանության և տնտեսության ոլորտում առաջնահերթ խնդիրների շուրջ: Քննարկվել են նաև փոխադարձ հետաքրքրություն ներկայացնող տարածաշրջանային հարցեր՝ ներառյալ Ուկրաինային իրենց շարունակական աջակցությունը և կայունության պահպանման կարևորությունը»,-ասվում է հայտարարության մեջ:
Ամենադիտված 
Մնաս բարյավ. Րաֆֆի Հովհաննիսյան
