Մեծ Բրիտանիայում նշել են ուկրաինական հակամարտության հնարավոր ելքը

Բրիտանացի ռազմական վերլուծաբան Շոն Բելը Sky News-ում հրապարակված իր հոդվածում նշել է Ուկրաինայում հակամարտության հնարավոր ելքը: Նրա կարծիքով, իրավիճակը կարող է ավարտվել խաղաղության համաձայնագրի ստորագրմամբ։

«Եթե կողմերից ոչ մեկը՝ ոչ ուկրաինական, ոչ ռուսական, չհաղթի և չհասնի իր ռազմավարական նպատակներին, ապա հակամարտությունը կավարտվի միայն խաղաղության համաձայնագրի ստորագրմամբ»,- իր կարծիքն է կիսել Բելը։

Նախքան խաղաղության բանակցությունները սկսելը, նրա խոսքով, Ռուսաստանը և Ուկրաինան կցանկանան համոզվել, որ իրենց անվտանգության հետ կապված մտահոգությունները կարող են բավարարվել:

Բելը նաև նշել է, որ Վիլնյուսում կայացած ՆԱՏՕ-ի գագաթնաժողովում Ուկրաինայի նախագահ Վլադիմիր Զելենսկին հույս ուներ, որ երկրին գործողությունների ծրագիր կառաջարկվի դաշինքին միանալու համար, սակայն դա տեղի չունեցավ։ «Օբյեկտիվորեն դժվար է պատկերացնել, որ Ուկրաինան մոտ ապագայում կկատարի անդամակցության պահանջները»,- հավելեց վերլուծաբանը։