Ուկրաինայում օդային տագնապ է

Ուկրաինայի ութ շրջաններում, այդ թվում՝ Կիևի մարզում, օդային ռմբակոծության մասին ահազանգ է հայտարարվել, ասվում է տեղական թվային փոխակերպման նախարարության առցանց քարտեզի տվյալների համաձայն, գրում է Ռիա Նովոստին։

Նախազգուշացման ազդանշանը հնչել է Կիևում, Չեռնիգովում, Խարկովում, Դնեպրոպետրովսկում, Պոլտավայում, Չերկասիում, Սումիում և Կիրովոգրադում։

Ինչպես հայտնել ենք, այս գիշեր կրկին երկու ԱԹՍ-ով հարձակում է տեղի ունեցել Կերչի նեղուցով անցնող Ղրիմի կամրջի վրա։ Պայթյունը վնասել է ճանապարհային կամրջի մի մասը, ինչի հետևանքով՝ երկու մարդ է զոհվել։