Ինչ է պահանջում ԱՄՆ-ն Զելենսկիից՝ ըստ Զախարովայի
Համաշխարհային Մամուլ
Վաշինգտոնը գոհ չէ Ուկրաինայում տիրող իրավիճակից և պնդում է ամեն գնով շարունակել Ուկրաինայի զինված ուժերի հակահարձակումը։ Այս մասին ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան, գրում է Lenta-ն։
«Ռազմական գործողությունների թատրոնում տիրող իրավիճակը ակնհայտորեն չի համապատասխանում նրանց ցանկություններին։ Այժմ Զելենսկու ռեժիմից պահանջվում է արդարացնել այնտեղ ներդրված միջոցները և ամեն գնով շարունակել հակահարձակումը»,- ասել է դիվանագետը։
Ավելի վաղ նա Ուկրաինայի զինված ուժերին կասետային զինամթերք փոխանցելու ԱՄՆ որոշումը անվանել էր անզորության ակտ՝ Կիևի հակահարձակման ձախողման ֆոնին։ Զախարովայի խոսքով՝ մտադրվելով նման զենք մատակարարել Ուկրաինային՝ ԱՄՆ-ն չի մտածում իր գործողությունների հետևանքների մասին։
ԱՄՆ շտաբների պետերի միացյալ կոմիտեի նախագահ Մարկ Միլին ընդգծել է, որ ուկրաինական բանակի հակահարձակումը երկար է տևելու։ Սակայն նա պարզաբանել է, որ ուկրաինացի զինվորականների գործողությունները ձախողված չի համարում։ Միաժամանակ, ամերիկացի գեներալը նշել է, որ ռուսական կողմն ունի հզոր պաշտպանական համակարգ։
Ամենադիտված 
Մնաս բարյավ. Րաֆֆի Հովհաննիսյան
