Վարդաձոր գյուղում կառուցվում է ջրամբար և սնուցող ջրատար

Գեղարքունիքի մարզի Մարտունի համայնքի Վարդաձոր գյուղի  հարավային տարածքում, ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում, կառուցվում է խմելու ջրի ջրամբար և սնուցող ջրատար։

Ինչպես տեղեկացրին Մարտունու համայնքապետարանի աշխատակազմից, Վարդաձորի խմելու ջրի ջրամբարի և սնուցող ջրատարի կառուցման ծրագրի պայմանագրային արժեքը կազմում է 40 միլիոն դրամ, որի 70 տոկոսը հատկացնում է ՀՀ կառավարությունը, 30 տոկոսը՝ Մարտունու համայնքապետարանը։ Շինարարական աշխատանքները մեկնարկել են 2023 թվականի հուլիսի 1-ից, ավարտի ժամկետ է սահմանված մինչև 2023 թվականի սեպտեմբերի 1-ը։ Ծրագրով նախատեսված է 50 խորանարդ մետր տարողության ջրամբարի և 2650 մետր երկարության ջրատարի կառուցում։ Ծրագրի իրականացման արդյունքում  Վարդաձորի 30-րդ, 31-րդ, 32-րդ, 37-րդ, 45-րդ, 47-րդ, 49-րդ և Ալաշկերտի փողոցի զգալի հատվածի շուրջ 150 տնտեսություններ կապահովվեն խմելու ջրի շուրջօրյա մատակարարմամբ։