Բրիտանացի գնդապետը նշել է Ուկրաինայի հակահարձակման միակ տարբերակը
Համաշխարհային Մամուլ
Բրիտանական բանակի պաշտոնաթող գնդապետ Ռիչարդ Քեմփը Telegraph թերթի համար գրված հոդվածում նշել է, որ Ուկրաինայի ԶՈւ միակ հակահարձակման տարբերակը ճակատային հարձակումներն են մարդկության պատմության «ռազմական պաշտպանության ամենալայն համակարգերից մեկի» վրա:
Վերլուծաբանն ուշադրություն է հրավիրել անցյալ տարի Խերսոնի և Խարկովի շրջաններում ռուսական բանակի վերախմբավորման վրա, որը նա անվանել է մարտավարական մանևր՝ «տարածությունը ժամանակի հետ» փոխանակելու համար։ Նրա խոսքով, այս անգամ ՌԴ զինված ուժերը, ուժեղացված մոբիլիզացիայով և ընդարձակ պաշտպանական գծերի կառուցմամբ, չեն պատրաստվում ոչ մի տեղ նահանջել։
«Սա Ուկրաինային թողնում է մեկ տարբերակ՝ ճակատային հարձակումներ իրականացնել լավ պաշտպանված դիրքերի վրա», - ասել է փորձագետը:
Նա նշել է, որ նման իրավիճակը Կիևին խոցելի է դարձնում արևմտյան կարծիքի փոփոխությունների նկատմամբ՝ հաշվի առնելով ԱՄՆ նախկին նախագահ Դոնալդ Թրամփի վերադարձի հավանականությունը և եվրոպական հոգնածությունը։
«Սա մի բան է, որի մասին պետք է իմանա նախագահ Զելենսկին, և որը, հավանաբար, մեծ սարսափ է առաջացնում», - ասել է Քեմփը:
Ամենադիտված 
Մնաս բարյավ. Րաֆֆի Հովհաննիսյան
