Թուրքիայում հայտարարել են, որ երկիրը հաղթահարել է տնտեսական ճգնաժամի ամենավատ մասը

Թուրքիան արդեն հաղթահարել է հիպերինֆլյացիան, ուստի երկրի համար տնտեսական ճգնաժամի ամենավատ մասն արդեն անցյալում է։ Այս մասին Financial Times թերթին տված հարցազրույցում ասել է թուրքական Ronesans շինարարական հոլդինգի ղեկավար Էրման Յլըջան։

«Թուրքիան շատ դժվար ժամանակներ է ապրել հիպերինֆլյացիայի, փետրվարյան երկրաշարժի, նախագահական ու խորհրդարանական ընտրությունների ֆոնին։ Տնտեսապես երկիրը միայն նոր է թափ հավաքում և նորից կսկսի ավելի շատ արտադրել»,- ասել է Ronesans-ի ղեկավարը։

Նրա խոսքով՝ Արաբական Միացյալ Էմիրությունների և Սաուդյան Արաբիայի հետ հարաբերություններն այժմ աստիճանաբար բարելավվել են։ Հետագայում միանգամայն հնարավոր է, որ համագործակցությունը զարգանա նաեւ արեւմտյան երկրների հետ։

Նա հավելել է, որ այժմ կարելի է լավատեսությամբ նայել ֆինանսների նախարար Մեհմեդ Շիմշեքի իրականացրած բարեփոխումներին, ով այս պաշտոնը կրկին ստանձնել է հունիսի սկզբին։