Աղդամի ճանապարհը չպետք է դիտարկել որպես Լաչինի միջանցքի վերագործարկմանը այլընտրանք․ դեսպանը՝ Բորելին
Արցախ
Աղդամի ճանապարհը չպետք է դիտարկել որպես Լաչինի միջանցքի վերագործարկմանը այլընտրանք։ Այդ մասին իր Twitter-յան էջում գրել է ՀՀ-ում Չեխիայի դեսպան Պետր Պերունչիկը։
Նա ներկայացրել է ԵՄ դիվանագիտության ղեկավար Ժոզեպ Բորելի երեկվա հայտարարությունը և կրկին վերահաստատել, որ Ադրբեջանի իշխանությունների Աղդամով հումանիտար բեռ փոխադրելու պատրաստակամությունը ԵՄ–ն միայն ի գիտություն է ընդունել։
«ԵՄ-ն նաև նշում է, որ ԿԽՄԿ-ի գործունեությունը տարածաշրջանում խիստ տուժել է, և կոչ է անում այն ամբողջությամբ վերսկսել, ներառյալ բժշկական տարհանումը և հումանիտար մատակարարումները»,- գրել է դեսպանը։
Ժոզեպ Բորելի հայտարարությունն է իր էջում տեղադրել նաև Հայաստանում և Վրաստանում Դանիայի դեսպան Աննե Թոֆթ Սորենսենը։ Դիվանագետը նույնպես վերահաստատել է ԵՄ-ի դիրքորոշումը Լաչինի միջանցքի շրջափակման վերաբերյալ։
Հիշեցնենք՝ երեկ ԵՄ դիվանագիտության ղեկավար Ժոզեպ Բորելը հայտարարել էր, որ Ադրբեջանի իշխանությունները պարտավոր են ամենակարճ ժամկետում երաշխավորել անվտանգությունն ու ազատ տեղաշարժը Լաչինի միջանցքով և թույլ չտալ հետագա էսկալացիա։
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
