Ռուսաստանն անմիջական սպառնալիք է Եվրոպայի համար. Ճապոնիայի ՊՆ
Համաշխարհային Մամուլ
Ռուսաստանի «ներխուժումն Ուկրաինա» ամենակարևոր և անմիջական սպառնալիքն է Եվրոպայում, ասվում է Ճապոնիայի պաշտպանության Սպիտակ գրքի նոր հրատարակության մեջ, գրում են միջազգային ԶԼՄ-ները:
Տեքստում ասվում է, որ Ռուսաստանը, չնայած ՄԱԿ-ի Անվտանգության խորհրդի անդամի կարգավիճակին, անտեսել է միջազգային իրավունքը։ Ռուսաստանի իշխանությունների հռետորաբանությունն ու գործողությունները «կարող են մեկնաբանվել՝ որպես միջուկային զենքի կիրառման սպառնալիքներ»։
Նշվում է, որ համաշխարհային հանրությունը, ինչպես Ճապոնիան, չի համակերպվի Ռուսաստանի նման գործողությունների հետ։
Ճապոնիայի իշխանություններն անհանգստացած են Արևելաչինական և Հարավչինական ծովերում Չինաստանի ռազմական ներկայության ավելացմամբ, ինչպես նաև Ռուսաստանի և Չինաստանի համատեղ զորավարժություններով: Մյուս վտանգը Հյուսիսային Կորեան է, որը զարգացնում է միջուկային և հրթիռային մշակումները։
Այս ֆոնին Ճապոնիան հայտարարում է դիվանագիտական հարաբերությունների առաջնահերթությունը, սակայն չի հրաժարվում «իր հողն ինքնուրույն պաշտպանելու» և պոտենցիալ թշնամուն զսպելու մտադրությունից։
2022 թվականի դեկտեմբերին Ճապոնիան ներկայացրեց Երկրորդ համաշխարհային պատերազմից ի վեր ռազմական հզորացման իր ամենամեծ ծրագիրը: Հինգ տարում երկրի պաշտպանական բյուջեն կդառնա երրորդն աշխարհում՝ ԱՄՆ-ից և Չինաստանից հետո։ Ճապոնիայի ազգային անվտանգության նոր ռազմավարության մեջ Չինաստանը նշվում էր՝ որպես հիմնական միջազգային մարտահրավեր, իսկ Ռուսաստանն այլևս չէր համարվում գործընկեր և դիտվում էր՝ որպես «անհանգստացնող» գործոն:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
