Կիպրոսը կոչ է արել Ադրբեջանին ապաշրջափակել Լաչինի միջանցքը

Կիպրոսի ԱԳՆ-ն հայտարարություն է տարածել՝ կոչ անելով Ադրբեջանին բացել Լաչինի միջանցքը։

«Կիպրոսը դատապարտում է Լաչինի միջանցքի շարունակվող շրջափակումը և խորապես անհանգստացած է Լեռնային Ղարաբաղում հումանիտար ճգնաժամով։

Ադրբեջանը պետք է անհապաղ վերացնի շրջափակումը և երաշխավորի անվտանգությունն ու տեղաշարժի ազատությունը՝ համաձայն 2020 թվականի հրադադարի հայտարարության և Արդարադատության միջազգային դատարանի որոշման»,- ասված է հայտարարության մեջ։