Բրազիլիայում տեղի է ունեցել Ամազոնի բնիկ ժողովուրդների հանդիպումը
Համաշխարհային Մամուլ
Բրիտանացի ֆերմեր Հիլթոն Մյուրեյ-Ֆիլիպսոնն ասել է, որ իր ներդրումն է ունեցել Բրազիլիայում կլիմայի կտրուկ փոփոխության աճող սպառնալիքի պատճառով Ամազոնի բնիկ ժողովուրդների հանդիպման մեջ: Այդ մասին գրում է The Guardian-ը։
Բրիտանացի ֆերմերի անձնական նվիրատվությունը հնարավորություն է տվել հարյուրավոր բրազիլացի բնիկների հանդիպել Ամազոնի անձրևային անտառներում: Ֆերմեր Հիլթոն Մյուրեյ-Ֆիլիպսոնը 100,000 ֆունտ ստերլինգ է նվիրաբերել այն բանից հետո, երբ մեկ այլ հովանավոր հրաժարվել է մասնակցել կայապոյի առաջնորդ Ռաոնի Մետուկտիրեի կողմից հրավիրված հանդիպմանը:
Ըստ Մյուրեյ-Ֆիլիպսոնի՝ այս գումարը 10 անգամ ավելին է, քան ինքը երբևէ նվիրաբերել է բարեգործությանը։ Այնուամենայնիվ, նա կարծում է, որ դա անհրաժեշտ է կլիմայական աղետի աճող սպառնալիքին դիմակայելու համար։
«Մենք գտնվում ենք արտակարգ իրավիճակում և պետք է համապատասխան քայլեր ձեռնարկենք։ Փող ունեցող մարդիկ պետք է արձագանքեն այն մտահոգության մակարդակին, որը մենք հիմա ունենք ամբողջ աշխարհում»,- ասել է ֆերմերը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
