Բրիտանիայում հայտարարել են, որ Կիևը պատրաստ չի եղել հակահարձակմանը

Կիևը հասկացել էր, որ բավարար միջոցներ չուներ հակահարձակում իրականացնելու համար, սակայն հետաձգելու ժամանակ չկար, գրում է բրիտանական The Guardian թերթը։

Հրապարակման հեղինակի խոսքով՝ Կիևը չի կարողացել հետաձգել հակահարձակումը, քանի որ Արևմուտքում սկսել են աճել դժգոհությունն ու հոգնածությունը։

«[Ուկրաինայի Զինված ուժերի գլխավոր հրամանատար Վալերի] Զալուժնինը և նրա բարձրաստիճան սպաները գիտեին, որ հակահարձակման մեկնարկի համար չունեին այն միջոցները, որոնք իրականում անհրաժեշտ էին, սակայն ժամանակի պակաս էին զգում», - ասվում է հրապարակման մեջ։

Նշվում է, որ ուկրաինական հրամանատարությունը հույս ուներ, որ ռուսական զորքերը «կթողնեն խրամատները և կփախչեն», սակայն հույսերը չեն արդարացել: