Էստոնիայի նախագահը գումար չունի Ավստրալիա այցելելու համար

Էստոնիայի նախագահ Ալար Կարիսը որոշել է հետաձգել պաշտոնական այցը Ավստրալիա, որը նախատեսված էր այս ամառ, հայտնում է ERR-ը։ Պորտալի տվյալներով՝ այս քայլը պայմանավորված է պետության ղեկավարի գրասենյակից ուղևորության համար վճարելու համար անհրաժեշտ քանակությամբ միջոցների բացակայությամբ։

«Գնահատելով կանցլերի իրական հնարավորությունները՝ որոշվեց հետաձգել այցը», - Õhtuleht-ին ասել է նախագահի գրասենյակի խոսնակ Էպ-Մարե Կուկեմելքը։

Ըստ ERR-ի՝ Էստոնիայի ֆինանսների նախարար Մարտ Վիրկլաևը հաստատել է, որ հարցում է ուղարկվել կառավարություն։ Նրա խոսքով, նախագահի գրասենյակը խնդրել է այցի համար գումար հատկացնել Էստոնիայի կաբինետի պահուստից, սակայն այդ միջոցները չեն ստացել, քանի որ դրանք անհրաժեշտ են «չնախատեսված ծախսերի» համար:

ERR-ն ընդգծում է, որ Նախարարների կաբինետում հույս ունեն փոխել գործող համակարգը՝ հօգուտ պետության ղեկավարի ծախսերը խորհրդարանի միջոցով հաստատելու, ինչը թույլ կտա համակարգել միջոցների բաշխումը առանց Կառավարության մասնակցության։