Լաչինի միջանցքը մնում է փակ, ուղեբեռն Արցախ տեղափոխելու ուղղությամբ քայլերը շարունակվում են
Հասարակություն
Արցախում խորացող հումանիտար ճգնաժամը մեղմելու նպատակով ՀՀ կառավարության կողմից կազմակերպված հումանիտար գործընթացի վերաբերյալ կա միջազգային հանրության ուշադրության որոշակի աճ:
«Լուրերի» հետ զրույցում այս մասին նշեց ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը:
Նա հիշեցրեց, որ ՄԱԿ-ի ներկայացուցիչները, այսօր այց կատարելով Կոռնիձորի սահմանային հատված, հնարավորություն ունեցան հավաստիանալ, որ Լաչինի միջանցքը մնում է փակ` չնայած Ադրբեջանի հայտարարություններին, և հումանիտար օգնությամբ բեռնված ավտոշարասյունը գտնվում է անշարժ վիճակում:
«Ակնկալում ենք, որ նմանատիպ այցերը, միջազգային հանրության կողմից հետաքրքրության աճը, ԼՂ-ում հումանիտար աղետալի վիճակի վերաբերյալ հստակ գիտակցումը, դրանից բխող արձագանքը, գործուն քայլերն ու անհրաժեշտ ճնշումը Ադրբեջանի վրա կնպաստեն Լաչինի միջանցքի բացմանը և ԼՂ 120 000 բնակչության` շրջափակումից դուրս գալուն»,- ասաց նա:
Սարգսյանը նշեց` հիմնական նպատակին հասնելու, այն է` ուղեբեռն Արցախ տեղափոխելու ուղղությամբ քայլերը շարունակական են, և քննարկումները նույնպես շարունակվում են:
Ամենադիտված 
ՀՀ ՊՆ–ն հայտարարություն է տարածել
