Արևմուտքը ճնշում է գործադրում Զելենսկու վրա. NYT

Ուկրաինայի նախագահ Վոլոդիմիր Զելենսկին խոստովանել է, որ արևմտյան դաշնակիցները ճնշում են գործադրում իր վրա՝ համաձայնելու Ռուսաստանի հետ բանակցել։ Այս մասին հայտնում է The New York Times-ը:

Ինչպես նշվում է նյութում, առաջիկա ամիսներին Զելենսկու վրա ճնշումը կարող է մեծանալ։

Չորեքշաբթի օրը Զելենսկին իր դիվանագետներին ասել է, որ իրավիճակն էլ ավելի բարդ կլինի, քանի որ կարծում է, որ առաջիկա ամիսներին ճնշումը կաճի խաղաղության բանակցությունների ուղիներ գտնելու համար:

Նշվում է, որ Ուկրաինայի կառավարության առջև խնդիր է դրված պահպանել արևմտյան երկրների աջակցությունը, քանի որ ուկրաինական բանակի հակահարձակումը չի հանգեցրել ակնկալվող արդյունքի, ուստի Կիևին անհրաժեշտ են նոր դաշնակիցներ ռազմական գործողությունները շարունակելու համար։