83 տարեկան հասակում մահացել է դերասանուհի Արասի Բալաբանյանը․ CNN

Ռիո դե Ժանեյրոյում 83 տարեկան հասակում մահացել է դերասանուհի Արասի Բալաբանյանը։

Նա հոսպիտալացվել էր Ռիո դե Ժանեյրոյի հիվանդանոցներից մեկում: Հիվանդանոցից CNN-ին հաստատել են դերասանուհու մահը, սակայն չեն հայտնել պատճառը:

Ավելի քան կես դար տևած կարիերայի ընթացքում Բալաբանյանն աչքի է ընկել սերիալներում և հեռուստատեսային նախագծերում իր կատարած դերերով։ 

Արասիի մասնակցությամբ Globo TV-ի ամենագլխավոր նախագծերից մեկը 1990 թվականի «Մետաղի ջարդոնների թագուհին» հեռուստանովելն է։ 1997 թվականին Արասի Բալաբանյանը ստացել է մրցանակ հեռուստատեսության մեջ կնոջ լավագույն դերի համար՝՝ «Նոր զոհը» հեռուստասերիալում Ֆիլոմենա Ֆերետոյի կերպարը ներկայացնելու համար։ 

Արասի Բալաբանյանը ծնվել է 1940 թվականին Բրազիլիայի Մատու Գրոսու դու Սուլ նահանգի Կամպու Գրանդի քաղաքում։ Ծնողները՝ Ռաֆայել և Էսթեր Բալաբանյանները, Լատինական Ամերիկա էին հասել Արևմտյան Հայաստանի Նոր Հաճն քաղաքից՝ փրկվելով 1915 թվականի Ցեղասպանությունից։