ԱՄՆ պետքարտուղարության խոսնակը՝ Հայաստանի և Ադրբեջանի միջև խաղաղության համաձայնագրի մասին

Մենք կարծում ենք, որ չնայած այս հարցում կողմ չհանդիսացող այլ երկրներից հնչող մեկնաբանություններին՝  խաղաղության համաձայնագիրը (Հայաստանի և Ադրբեջանի միջև - խմբ.) մնում է հասանելիության սահմաններում։ Այս մասին ճեպազրույցի ժամանակ հայտարարել է ԱՄՆ պետքարտուղարության պաշտոնական ներկայացուցիչ Մեթյու Միլլերը։

«Մենք կշարունակենք աշխատել կողմերի հետ՝ դրան հասնելու համար»,- ասել է նա:

Միլլերը հիշեցրել է, որ անցյալ շաբաթ Պետդեպարտամենտի հատուկ ներկայացուցիչ Լուի Բոնոն այցելել է տարածաշրջան և անմիջականորեն շփվել կողմերի հետ։