Հայտնի է Ռոբերտ դե Նիրոյի 19-ամյա թոռան մահվան պատճառը

Դերասան Ռոբերտ դե Նիրոյի 19-ամյա թոռը՝ Լեանդրո Դե Նիրո Ռոդրիգեսը մահացել է թմրամիջոցների, այդ թվում՝ ֆենտանիլի գերդոզավորումից։ Այս մասին հայտնում է TMZ-ն։

Ըստ Նյու Յորքի գլխավոր դատաբժշկի՝ 19-ամյա Լեանդրոն մահացել է թմրամիջոցների թունավոր ազդեցությունից։ Նրա խոսքով՝ գերդոզավորումը պատահաբար է տեղի ունեցել։

Մինչ այս Ռոբերտ դե Նիրոն վշտի խոսքեր էր հայտնել իր 19-ամյա թոռան՝ Լեանդրոյի մահվան կապակցությամբ։

Հաղորդվել է նաև, որ Նյու Յորքում ձերբակալվել է մի կին, ով կասկածվում է Ռոբերտ Դե Նիրոյի մահացած թոռանը թմրանյութ վաճառելու մեջ։ 20-ամյա կասկածյալը հարցաքննվել է, թե ինչ մեղադրանք է առաջադրվելու նրան՝ հայտնի չէ։