Ֆրանսիան հերքել է Նիգերում իշխանությունը զավթած ապստամբների մեղադրանքները

Ֆրանսիայի իշխանությունները կտրականապես հերքում են աֆրիկյան երկրի օդային տարածքը խախտելու Նիգերի ապստամբների մեղադրանքները։ Փարիզի արձագանքը խունտայի ներկայացուցիչների հայտարարությանը փոխանցում է Agence France-Presse–ը (AFP)՝ հղում անելով Ֆրանսիայի կառավարության աղբյուրներին։

Գործակալության աղբյուրների համաձայն՝ թռիչքը, որն իբր խախտել է Նիգերի օդային տարածքը, համաձայնեցված է եղել և համակարգել է երկրի բանակը։ Փարիզը վստահեցրել է, որ ոչ մի ահաբեկիչ չի ազատվել ֆրանսիական ուժերի կողմից։

Ավելի վաղ Նիգերում իշխանությունը զավթած ապստամբները ֆրանսիացի զինվորականներին մեղադրել էին երկրի օդային տարածքը խախտելու մեջ։ Նրանք հայտնել էին նաեւ ազգային գվարդիայի վրա ֆրանսիական ուժերի հարձակման մասին։