Վլադիմիր Պուտինն այսօր հարցազրույց է տալու

ՌԴ վարչապետ Վլադիմիր Պուտինն այսօր հարցազրույց է տալու Ռուսաստանի երեք պետական հեռուստաընկերությունների գլխավոր տնօրեններին`Կոնստանտին Էռնստին (հանրային հեռուստաընկերություն), Օլեգ Դոբրոդեևին (համառուսական պետական հեռուստառադիոընկերություն), Վլադիմիր Կուլիստիկովին («ՆՏՎ» հեռուստաընկերություն):

Ինչպես հայտնում է «Կոմմերսանտը», երեք հեռուստաընկերություններով հարցազրույզը կհեռարձակվի հոկտեմբերի 17-ի երեկոյան:

Հարցազրույցի այդ ձևաչափն առաջինը նախաձեռնել է ՌԴ նախագահ Դմիտրի Մեդվեդևը, ով վերջին անգամ Էրնստի, Դոբրոդեևի և Կուլիստիկովի հետ շփվել է սեպտեմբերի 30-ին իր նախագահի պաշտոնից հրաժարվելու վերաբերյալ արած հայտարարությունից մեկ շաբաթ անց, որի ընթացքում էլ պարզաբանել էր իր որոշումը:

Ռուսաստանի վարչապետը նման հարցազրույց տալու է առաջին անգամ: Վլադիմիր Պուտինի մամուլի քարտուղար Դմիտրի Պեսկովի խոսքով հարցազրույցի անցկացման նախաձեռնությունը եղել է հեռուստաընկերությունների ներկայացուցիչների կողմից, իսկ հարցերի թեմատիկան որևէ կերպ սահմանափակված չէ: Աղբյուրի հաղորդմամբ հեռուստաընկերությունների ներկայացուցիչները հրաժարվել են մանրամասներ հայտնել կայանալիք հարցազրույցի մասին:

«Կոմմերսանտը» գրում է, որ կառավարության ղեկավարի դեբյուտը նոր ֆորմատում չի նշանակում, որ նա հրաժարվելու է ավելի վաղ ձևավորված ավանդույթից` «Զրույց Վլադիմիր Պուտինի հետ» հաղորդման շրջանակներում Ռուսաստանի քաղաքացիների հետ ամենամյա հարց ու պատասխանից: