Եգիպտոսը հրաժարվել է Ուկրաինային հրթիռներ մատակարարել՝ չնայած ԱՄՆ–ի կողմից ճնշմանը․ WSJ

Մի քանի ամիս է, ինչ ամերիկյան իշխանությունները փորձում են հասնել նրան, որ Եգիպտոսը սկսի զենք մատակարարել Ուկրաինային, սակայն Կահիրեն չի ենթարկվում ճնշումներին։ Այս մասին հայտնում է The Wall Street Journal-ը։

Ըստ հրապարակման՝ նախ դեռ մարտին ԱՄՆ պաշտպանության նախարար Լլոյդ Օսթինը դիմել է Եգիպտոսի նախագահ Աբդել Ֆաթթահ Ալ-Սիսիին՝ խնդրելով Ուկրաինային փոխանցել հրետանային արկեր, հակատանկային հրթիռներ, հակաօդային պաշտպանության համակարգեր և այլ զինատեսակներ։ Ավելի ուշ Եգիպտոսի կառավարությունը մասնավոր զրույցներում պարզաբանել է, որ չեն նախատեսում զենք մատակարարել Ուկրաինայի զինված ուժերին։

Երկու երկրների ներկայացուցիչները չեն հաստատել այս հարցի շուրջ բանակցությունների մասին հրապարակված տեղեկությունը։