50-ամյա Հայդի Քլումին լուսանկարել են լողափին կիսամերկ հանգստանալիս

Գերմանացի սուպերմոդել Հայդի Քլումը հայտնվել է պապարացիների ոսպնյակների մեջ՝ իտալական Կապրի կղզու լողափում հանգստանալիս։ Լուսանկարները հրապարակել է Page Six-ը։

50-ամյա Հայդի Քլումին լուսանկարել են կիսամերկ՝ արևային լոգանք ընդունելիս։ Մոդելը կրել է ընձառյուծի տպագրությամբ մինիմալիստական լողազգեստ և լայնեզր ծղոտե գլխարկ։ Հայդի Քլումը ժամանակ է անցկացրել ամուսնու՝ Tokio Hotel գերմանական խմբի կիթառահար Թոմ Կաուլիցի և 19-ամյա դստեր՝ Լենիի ընկերակցությամբ։

Հայդի Քլումն ու Թոմ Կաուլիցն ամուսնացած են 2019 թվականից։ Զույգը չորս երեխա ունի։ Հունիսին սուպերմոդելին կասկածում էին հինգերորդ հղիության մեջ։