Կիմ Չեն Ընը հրահանգել է «կտրուկ ավելացնել» հրթիռների արտադրությունը
Համաշխարհային Մամուլ
Հյուսիսային Կորեայի առաջնորդ Կիմ Չեն Ընը հերթական շրջայցն է կատարել ռազմական խոշոր գործարաններում և հրամայել է կտրուկ ավելացնել հրթիռների և այլ զենքերի արտադրությունը, երկուշաբթի հայտնել են Հյուսիսային Կորեայի պետական լրատվամիջոցները:
Կորեայի կենտրոնական լրատվական գործակալությունը հաղորդել է, որ Կիմ Չեն Ընը այցելել է մարտավարական հրթիռներ, շարժական արձակման հարթակներ, զրահատեխնիկա և հրետանային արկեր արտադրող գործարաններ:
Զեկույցի համաձայն՝ այլ գործարաններ այցելելիս` Կիմ Չեն Ընը կոչ է արել ավելի կատարելագործված հրթիռային կայաններ ստեղծել և ասել է, որ հրատապ անհրաժեշտություն կա մեծ տրամաչափի բազմակի հրթիռային արկերի արտադրությունը մեծացնելու։ Նա նաև վարել է նոր ընդհանուր նշանակության զրահատեխնիկա։
Հիշեցնենք, որ օգոստոսի սկզբին Կիմ Չեն Ընը հրթիռային շարժիչներ, հրետանի և այլ զենքեր արտադրող գործարանին հանձնարարել էրարագացնել զենքերի զանգվածային արտադրությունը:
Ամենադիտված 
Մնաս բարյավ. Րաֆֆի Հովհաննիսյան
