Թուրքիայում հզոր պայթյուն է որոտացել

Ստամբուլի նավաշինարանում՝ նավի վրա, հզոր պայթյուն է որոտացել։ Այս մասին հայտնում է Milliyet թերթը։

Պայթյունը տեղի է ունեցել Ստամբուլի Թուզլա թաղամասի նավաշինարանի նավի վրա՝ Երևանի ժամանակով 11:30-ին:

Պայթյունի վայր են ժամանել շտապ օգնության ծառայությունները։

Ամռան ընթացքում Թուրքիայում մի քանի հզոր պայթյուններ են տեղի ունեցել։

Օգոստոսի 7-ին Թուրքիայի Դերինջե նավահանգստում ցորենը բեռնելու ժամանակ պայթյուն է որոտացել։ Պայթյունի ալիքը զգացվել է մոտակա Գոլջուկ քաղաքում։ 16 վերելակներից վնասվել է 13-ը։ Նախնական տվյալներով՝ միջադեպի պատճառ կարող էր դառնալ վերելակում կուտակված փոշին։

Հունիսին հզոր պայթյուն է տեղի ունեցել Թուրքիայի մայրաքաղաք Անկարայի մոտ գտնվող հրթիռների գործարանում։ Նահանգի նահանգապետ Վասիփ Շահինը հայտնել է, որ միջադեպի պատճառ կարող էր լինել պայթուցիկ նյութերի արտադրության ժամանակ անվերահսկելի քիմիական ռեակցիան։