«Խնդրի լուծումը Արցախի ինքնորոշման հարցի լուծման մեջ է»

Տրանսպորտի բացակայությունը, էլեկտրականության հովհարային անջատումները, աղբահանության և ջրի խնդիրը շոգ եղանակին էլ ավելի են վատթարացրել շրջափակման մեջ գտնվող արցախցիների վիճակը։ 

ԼՈՒՐԵՐ.com-ի հետ զրույցում Արցախի ԱՆ աշխատակազմի պետական հիգիենիկ և հակահամաճարակային վարչության աշխատակից Երանուհի Հայրապետյանն ասաց, որ  այժմ «Սանմաքրում» ընկերությունը ոչ թե բացարձակապես չի տարհանում աղբը, այլ մեծ  դժվարությամբ է տարհանում վառելիքի  սղության պատճառով։ 

«Այն թաղամասերը որտեղ ջրամատակարարումը իրականացվում է արտեզյան ջրից, որը կապված է պոմպակայանների  հոսանքի հետ այդտեղ ջրամատակարարումը խափանված է, իսկ այն թաղամասերում որտեղ  ինքահոս ջուր է մատակարարվում  այդտեղ խնդիր  չկա: Քաղաքի  մեծ մասը պոմպակայանից է օգտվում` Արտեզյան ջրից և  թաղամասերում ջրամատակարարման ժամային անջատումներ կան։ Մեր բնակարանում երեկ 12։30-ից ջուր չի եղել մինչև գիշերվա 3-ը»,- ասաց Հայրապետյանը:

Մեր զրուցակցի խոսքով` Խնդրի լուծումը տեսնում են Արցախի ինքնորոշման հարցի լուծման մեջ, նրա խոսքով եթե ինքնորոշումը չլինի գնալով ավելի կճնշեն նրանց։  

Լիլիթ Զալիբեկյան